Шымкент қаласы Полиция департаментінің қызметкерлері WhatsApp мессенджері мен әлеуметтік желілерде тарап жатқан бетперде таратқан еріктілер пәтерлерге ұрлыққа түсуде деген ақпаратты тексеріп жатыр, – деп хабарлайды Polisia.kz.
Шымкент қаласы Полиция департаменті бастығының орынбасары Серік Ергешов мұндай жағдайлардың қала аумағында тіркелмегені туралы ресми түрде мәлімдеді.
Сондай-ақ қазіргі таңда учаскелік полиция инспекторлары жүргізіп жатқан профилактикалық шаралардың нәтижесінде қылмыс жасау көрсеткіші 64 пайызға азайғанын хабарлады.
Шымкенттік полицейлер жалған ақпарат таратқандар ҚР Қылмыстық кодексінің 274-бабы (Көрінеу жалған ақпарат тарату) бойынша қылмыстық жауапкершілікке тартылатынын ескертеді.
