Шымкенттік тұрғынға есірткі сақтағаны үшін айыппұл салынды, – деп хабарлайды Polisia.kz.
Шымкент қаласы Қаратау аудандық сотында 48 жастағы жергілікті тұрғынға қатысты сот үкімі шықты.
Күдікті қаладағы көшелердің бірінде оралған қаптамадағы есірткі затын тауып алған, содан оны заңсыз иемденіп, өзі тұтынбақшы болғаны белгілі болды. Алайда, оның ойы іске аспай, полиция қызметкерлерімен анықталып, тәркіленіп алынды. Бұл қылмыстық іс сотқа жолданған.
Басты сот талқылауында сотталушы өзіне тағылған айыпты толығымен мойындап, бұрын өзі есірткі затын қолданғандықтан, тауып алған затты өзі қолдану мақсатында қалтасына салғанын айтып, бұл үшін қатты өкінетінін жеткізді.
Сот үкімімен ер-азамат ҚР ҚК-нің 296-бабының 2-бөлігінде (Есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау) көзделген қылмыстық құқық бұзушылықты жасағаны үшін кінәлі деп танылды.
Сонымен қатар айыпталушыға 80 сағат қоғамдық жұмысқа тарту жазасы тағайындалды.
