СҚО-да биыл мотокөлік құралдарының қатысуымен үш ЖКО тіркелді, – деп хабарлайды Polisia.kz.
Көктемгі кезеңде СҚО полицейлері екі доңғалақты көлік құралдарының жүргізушілерімен профилактикалық жұмысты күшейтті. Апаттылықты азайту үшін тәртіп сақшылары рейдтік іс-шаралар жүргізіп жатыр. Осындай іс-шаралардың барысында Петропавл қаласының Жұмысшы кентінде тіркеу нөмірлері жоқ Yaqi мотоциклінде келе жатқан екі жас жігіт тоқтатылды. 18 жастағы жүргізушіге қатысты бірден екі хаттама жасалды: ол тіркелмеген көлік құралын пайдаланған және басқару құқығына ие болмаған. Мотоцикл арнайы автотұраққа қамалды.
– Мотоциклді тек кәмелетке толған адамдар ғана басқара алады, оларда тиісті санаттағы жүргізуші куәлігі болуы қажет. Мопедті пайдалану үшін жүргізуші куәлігі қажет емес. Сонымен қатар білген маңызды: басқару үшін 16 жасқа толу керек, сонымен қатар жол қозғалысы ережелерін біліп, толық сақтау қажет, – дейді СҚО ПД ЖПҚ басқарма бастығының Александр Розбах.
Жол қозғалысы ережелеріне деген жауапсыздық ауыр зардаптарға әкелуі мүмкін. Жыл басынан бері облыста мотоцикл құралдарының қатысуымен үш жол-көлік оқиғасы тіркелді, салдарынан төрт адам зардап шекті. Полицейлер жол апаттарының алдын алу шараларын тұрақты негізде жүргізеді.
