СҚО полицейлері күн сайын электрлі скутер мінген азаматтардың ЖҚЕ бұзуының 10 шақты фактісін тіркейді, – деп хабарлайды Polisia.kz.
Облыс жолдарында күшейтілген рейдтерді СҚО полицейлері жүргізеді. Назар аймағында электр скутерлері және басқа да шағын көліктер бар. Өкінішке орай, оларды қолдануға бәрі бірдей жауаптылықпен қарай бермейді. Бұл бүкіл ел шеңберінде алаңдатарлық жағдай екені сөзсіз.
Жолаушыларды тасымалдамау талабы жиі бұзылады. Петропавл көшелерінде екі адамнан электр скутерлерін мінген жастарды немесе жас балаларды өздерімен бірге алып жүретін ата-аналарды көруге болады. Сондай-ақ жол бойымен қозғалу кезінде скутер тізгіндегендер қорғаныс шлемін пайдаланбайды. Жаяу жүргіншілер өткелінде оны велосипед сияқты кесіп өту керек екенін аз білсе де, орындай бермейді.
– Бұлай жасау жол қозғалысының барлық қатысушыларына үлкен қауіп төндіреді. Полиция қызметкерлері күн сайын рейдтер жүргізеді, күніне орта есеппен 5-тен 10-ға дейін бұзушылықты анықтайды. 30 тамыздан бастап, электрлі скутерлерін пайдалану ережелері енгізілген кезде, олардың 138 жүргізушісі жол қозғалысы ережелерін бұзғаны үшін жауапкершілікке тартылды. Оның ішінде 22 адамға айыппұл салынды, қалғандары ескерту алды. Алдағы 3 күнде мұндай рейдтер күшейтіледі, – дейді СҚО ПД ЖПҚ басқармасының бастығы Айдын Байматов.
Көлік басқаруға кез келген санатты құқығы бар 18 жасқа толған адамдар ғана жол бойында скутермен жүре алады. Тротуарлар бойымен жүруге 16 жастан бастап рұқсат етіледі. Бұл ретте жаяу жүргіншілерге кедергі жасауға тыйым салынады. Шағын электр көліктерін пайдаланатын кез келген адам жол ережелерін қатаң сақтауы керек.
