СҚО тұрғыны жол бойында көмек көрсеткен полицейлерге алғысын білдірді, – деп хабарлайды Polisia.kz.
“Полиция қызметкерлері Исманов пен Құрманғожиновқа алғысымды жариялауларыңызды өтінемін” – деп облыс тұрғыны Instagram желісіндегі солтүстікқазақстандық әлеуметтік парақшалардың біріне жүгінді. Оның отбасы Петропавл қаласына Тимирязев ауданынан көшіп келген.
Челябі — Новосібір автожолының 514-шақырымында, Петерфельд ауылының маңында тіркемеде дөңгелегі бұзылып қалған. Қосымша болттары болмаған, жүргізуші облыс орталығына жетуге, қайтып оралуға және мәселені шешуге көп уақыт жұмсар еді. Бақытқа орай СҚО ПД патрульдік полиция батальонының қызметкерлері Рустан Исманов пен Тимур Құрманғожинов Жигули апаттық шамдарымен тұрған ер адам мен оның жұбайын байқап қалған. Өтіп бара жатқан жүк көлігін тоқтатқаннан кейін олар болт беруді сұрады, домкраттағы тіркемені көтеруге және жөндеу жұмыстарын жүргізуге көмектесті. Содан кейін ауыл тұрғындарының сапарының сәтті аяқталғанына көз жеткізу үшін тәртіп сақшылары оларды қалаға дейін сүйемелдеген.
– Алыс сапар алдында барлық жүргізушілерден көлік құралының техникалық жарамдылығына көз жеткізуді, өзімен бірге қосалқы бөлшектер мен құралдарды алып жүруді сұраймыз. Батальонның міндеті – құқықтық тәртіп пен қауіпсіздікті сақтау, облыстың автожолдарында қиын жағдайға тап болған адамдарға көмек көрсету. Жақсы орындалған жұмыс үшін алғыс сөздер қызметкерлерді қолдайды және одан әрі қызмет етуге ынталандырады, – дейді СҚО ПД ППБ командирі Валихан Оразалин.
