Ақмолада алкогольдік ішімдіктер ішкен екі жасөспірім анықталды, – деп хабарлайды Polisia.kz.
Күн сайын полиция қызметкерлері кәмелетке толмағандар арасындағы құқық бұзушылықты тіркейді.
– Жасөспірімдер кезеңі ерекше күрделі, дәл осы қайтарымда көбінесе кәмелетке толмағандар қылмыс жасайды, үйден өз еркімен кетеді, – деп атап өтті ақмола полицейлері.
17-20 маусым аралығында «Түнгі қаладағы балалар» республикалық алдын алу іс-шарасын өткізу кезінде 241 құқық бұзушылық анықталды, оның ішінде 194-і кәмелетке толмағандардың түнгі уақытта тұрғын үйден тыс жерде болуы, қараусыз қалған балалардың ата-аналары «ескерту» түрінде әкімшілік жауапкершілікке тартылды.
Сонымен қатар 21 жасқа толмаған тұлғаларға алкоголь өнімдерін заңсыз сатқаны үшін төрт жеке кәсіпкерге қатысты әкімшілік хаттама толтырылды.
Сондай-ақ алдын алу іс-шара кезінде түнгі уақытта ойын-сауық мекемелерінде болған төрт жасөспірім анықталды. Үш күн ішінде кәмелетке толмағандардың ұсақ бұзақылық жасауының алты фактісі, алкогольдік ішімдіктер ішкен екі жасөспірім анықталды.
Полицейлер әкімшілік заңнаманы бұзудың ең көп санын Көкшетау, Атбасар, Целиноград аудандарында тіркеді. Аталған елді мекендердегі балалар түнгі уақытта дәмханалар мен мейрамханаларда болған. Кәмелетке толмағандарға алкоголь және темекі өнімдері сатылды.
Алдын алу іс-шара аясында балалармен және ата-аналармен бейтаныс адамдармен жүріс-тұрыс ережелері, судағы, жолдардағы және демалыс орындарындағы қауіпсіздік туралы түсіндіру жұмыстары жүргізілді.
Оған Жарқайың ауданының жастар ресурстық орталығының өкілдері белсене қатысып, полицейлермен, білім беру органдарымен бірлесіп жасөспірімдерге арналған викториналар, спорттық іс-шаралар мен флеш-моб өткізді.
Жалпы, полиция қызметкерлері Ақмола облысы бойынша екі мыңнан астам рейд жүргізді, аумақтық полиция органдарының 300 қызметкері, қорғау органдарының өкілдері, денсаулық сақтау, қоғамдық жастар бірлестіктері, ата-аналар қоғамдастығы және бұқаралық ақпарат құралдары жұмылдырылды.
– Полиция қызметкерлері көптеген қылмыстардың алдын алу үшін жұмыс істейді және Әкімшілік құқық бұзушылық туралы кодекске сәйкес сағат 22:00-ден кейін бала заңды өкілмен бірге болуы керек, яғни ата-анасымен, бала асырап алушымен, қамқоршымен, асырап алушы ата-анасымен, патронат тәрбиешімен немесе оларды алмастыратын басқа адаммен. Қазақстан Республикасы Әкімшілік құқық бұзушылық туралы кодексінің 127-бабына сәйкес балаға тиісті күтімді, білім мен тәрбиені қамтамасыз ету қажет, – деп атап өтті Ақмола облысы ПД ЖПҚБ ювеналдық полиция тобының ерекше тапсырмалар жөніндегі аға инспекторы Айнагүл Қуандықова.
