Ақпараттық медиа-портал POLISIA.KZ

Түркістан облысында тұрғынды алдап, ақшасын жымқырған ер адам анықталды

Түркістан облысында тұрғынды алдап, ақшасын жымқырған ер адам анықталды, – деп хабарлайды Polisia.kz

Түркістан ҚПБ-ға жергілікті тұрғын арызданды. Оның айтуынша, белгісіз біреу WhatsApp арқылы тұрмысқа қажетті тауарларды арзан бағада, яғни 20 кілем мен екі кір жуғыш машинасын әкеліп беремін деп ақша алған. Алайда ақшаны қалтасына басқан күдікті хабарсыз кеткен.

Жәбірленушіге келтірілген шығын көлемі – 400 мың теңге.

Аталған жайтты полицейлер ҚК-нің 190-бабы (Алаяқтық) бойынша тіркеп, жедел іске кірісті. Тәртіп сақшылары жедел шаралардың нәтижесінде тәулік ішінде алаяқтық жайтына қатысы бар жергілікті тұрғынды анықтады. Ол жұмыссыз, Сайрам ауданының тұрғыны болып шықты. 

Анықталғандай, күдікті өз арам ойын іске асыру үшін жергілікті тұрғынды интернет арқылы алдап, алған ақшаны бас пайдасына жаратқан. Осыдан соң уәде орындалмай, не ақша қайтармай жәбірленушіні әуре-сарсаңға салған. Бұл ретте әрине жәбірленуші өз ақшасын қайтарып алу мақсатында полицияның көмегіне жүгінді. Бүгінде анықталған орта жастағы азаматқа қатысты сотқа дейінгі тергеп-тексеру амалдары жүргізілуде. Қазіргі таңда күдіктінің басқа да жайтқа қатысы бар жоғы анықталуда.

Сондай-ақ оқыңыздар

Жауап қалдыру