Түркістан облысының полицейлері 8 қорап алма ұрлаған күдіктілерді ұстады, – деп хабарлайды Polisia.kz.
Бәйдібек ауданының полиция бөліміне жергілікті тұрғын ауылдық жерде егілген 43 гектарлық алма бақшасынан әр түрлі сорттағы алманың 8 қорабы ұрланғаны туралы хабарлаған. Әр қорапта шамамен 9,5 кг алма болған.
Бұл факт ҚР ҚК-нің 188-бабы (Ұрлық ) бойынша тіркелді.
Жедел-іздестіру іс-шараларын өткізу барысында полицейлер алма ұрлаған екі күдіктіні қолға түсірді, олар жәбірленушінің қарамағында жұмыс істейтін жұмысшылары болып шықты. Ұрланған алманы олар өз пайдаларына жаратпақ болған.
Қазіргі таңда тергеу амалдары өткізілуде.
Полиция қызметкерлері тұрғындарға өз мүліктерін сақтау үшін қауіпсіздік шараларын қабылдау қажеттілігін ескертеді.
