Ақпараттық медиа-портал POLISIA.KZ

Тыйым салынған діни әдебиеттерді таратқан түркістандық ұсталды

Түркістан облысының полицейлері тыйым салынған діни әдебиеттерді таратқан күдіктіні ұстады, – деп хабарлайды Polisia.kz.

Түркістан облысы ПД Экстремизмге қарсы іс-қимыл басқармасының қызметкерлері жедел-профилактикалық іс-шаралар барысында сайттардың біріне діни әдебиеттерді сату туралы хабарландыру орналастырған Түркістан қаласының қарт тұрғынын ұстады. Діни сипаттағы тыйым салынған әдебиетті заңсыз таратқаны үшін ер адамға қатысты ҚР ӘҚБтК-нің 453-бабының 2-бөлігі (Бұқаралық ақпарат құралдарының өнімін, сол сияқты өзге де өнімді Қазақстан Республикасының аумағында дайындау, сақтау, әкелу, тасымалдау, тарату) бойынша әкімшілік хаттама толтырылды. Ер адам полиция бөліміне жеткізілді. Ол бұл теріс әрекетін толығымен мойындады және бұрын жарияланған хабарландыруды өшірді. Жиналған материалдар тиісті заңды шешім қабылдау үшін әкімшілік сотқа жіберілді.

Нәтижесінде сот қаулысымен облыс орталығының тұрғыны кінәлі деп танылып, 20 АЕК көлемінде айыппұл салынып, әкімшілік жауапкершілікке тартылды.

Сонымен қатар, Түркістан қаласында карантиндік режим мен санитарлық-эпидемиологиялық нормалар талаптарының сақталуын бақылау бойынша профилактикалық іс-шаралар жүргізу барысында деструктивті-діни ағымның жақтаушылары болып табылатын төрт жергілікті тұрғын ұсталды. Аталған адамдар эпидемиологиялық жағдайға қарамастан, карантинді бұзушылардың бірінің үйінде өткізілген жаппай іс-шараға қатысқан.
Деструктивті-діни ағым жақтаушыларына қатысты ҚР ӘҚБтК-нің 425-бабы (Халықтың санитариялық-эпидемиологиялық саламаттылығы саласындағы заңнама талаптарын, сондай-ақ гигиеналық нормативтерді бұзу) бойынша әкімшілік құқық бұзушылық туралы хаттама толтырылып, 30 АЕК мөлшерінде әкімшілік айыппұл салынды.

Өз кезегінде Түркістан облысы ПД-ның полицейлері азаматтарға Қазақстан мұсылмандары діни басқармасының ресми интернет-ресурстарынан алынған әдебиеттер мен материалдарды басшылыққа алу керектігін еске салады.

Сондай-ақ оқыңыздар

Жауап қалдыру