Ақпараттық медиа-портал POLISIA.KZ

Жалған банк қызметкері Жезқазған тұрғынын 12 млн теңгеге кредит рәсімдеуге көндірген

Жалған банк қызметкері Жезқазған тұрғынын 12 млн теңгеге кредит рәсімдеуге көндірген, – деп хабарлайды Polisia.kz.

29 сәуірде Қарағанды қаласының ПБ Михайлов полиция бөліміне 65 жастағы қала тұрғыны жүгінді. Ол несие рәсімдемек болғанын айтты. Зейнеткер интернеттің белгілі бір сайтынан несие алуға көмек ұсынған хабарландыру тапқан. Сәйкесінше ер адам онымен байланысқа шыққан. Белгісіз біреу жәбірленушінің сеніміне әбден кірген. Зейнеткер оған бір млн теңге көлемінде ақша алу үшін өз мәліметтерін берді. Кейіннен белгілі болғандай, өтініш берушінің атынан ресімделген несие басқа біреудің шотына аударылған.

Аталған факт бойынша полиция ҚР ҚК-нің 190-бабымен (Алаяқтық) қылмыстық іс қозғады. 30 сәуірде жедел-іздестіру іс-шаралары барысында криминалдық полиция қызметкерлері банктердің бірінің қызметкері болып шыққан 21 жастағы жас жігітті анықтап, ұстады. Ол кінәсін толық мойындады. Тергеу амалдары жүргізілуде. Полицейлер күдіктінің басқа да осыған ұқсас қылмыстарға қатыстылығын тексеріп жатыр.

5 мамырда Қарағанды облысының Жезқазған қаласы ПБ-ға 41 жастағы қала тұрғынының өтініші келіп түсті, оған белгісіз біреулер 12 млн теңге көлемінде залал келтірген. Белгісіз адам жезқазғандыққа қоңырау шалып, өзін банк қызметкері ретінде таныстырғаны белгілі болды. Жәбірленушінің айтуынша, қаскүнем әртүрлі қаржы мекемелерінен екі несие алуға, бір жағдайда 10 млн теңгеге, екіншісінде екі млн теңгеге көндірген.

Ақша алған ер адам оны басқа адамдардың шоттарына аударған. Біраз уақыттан кейін ол алдаудың құрбаны болғанын түсінді. Ірі кәсіпорындардың бірінің инженерлік-техникалық персоналының қызметкері  алаяқтардың әрекеттері туралы ескертетін бейнероликтерді қарағанын мойындады. Бірақ олардың құрбаны боламын деп еш ойламаған.

Аталған факті бойынша ҚР ҚК-нің 190-бабымен (Алаяқтық) қылмыстық іс қозғалды. Тергеу амалдары жүргізілуде.

Полиция алаяқтықтың ең көп таралған тәсілдері азаматтарды сендіру, алдау немесе қорқытудың психологиялық әдістеріне негізделгенін ескертеді.

– Қаскүнемдер өздерін қауіпсіздік қызметінде немесе қаржы мониторингі қызметінде жұмыс істейтін банк қызметкерлері ретінде таныстырады. Олар адамға күдікті әрекет туралы хабарлайды және банк қаражатты қорғау шараларын қабылдауы үшін карта деректерін жазуды ұсынады. Сондай-ақ, олар қаражатты қорғау үшін жеке шотқа ақша аударуға сендіреді. Азаматтар банк қызметкерлері өздерінің банктік шоттарында болып жатқан қандай да бір операциялар туралы телефон арқылы хабарламайтынын есте сақтауы қажет. Егер сіз алаяқтардың құрбаны болсаңыз, дереу полицияға жүгінуіңіз керек, – деді Қарағанды облысы ПД бастығының орынбасары Абиль Абильдин.

Сондай-ақ оқыңыздар

Жауап қалдыру