Жеңіл көлік пен қоғамдық көліктің соқтығысуы салдарынан жолаушылар мен жүргізуші зардап шекті, – деп хабарлайды Polisia.kz.
Ақтөбе облысы ПД Анықтау басқармасында ҚК-нің 345-бабының 2-бөлімімен қозғалған қылмыстық іске қатысты сотқа дейінгі тергеу амалдары жүргізілуде.
16 қыркүйек күні сағат 11:20-да Ақтөбе қаласында “Mercedes” маркалы автомобиль жүргізушісі Ағ.Жұбановтар көшесі № 318/4 үйге қарама-қарсы кері жүріспен қозғалыс маневрін жасап, кейін солға қарай М.Оспанов көшесінен 101 атқыштар бригадасына бұрылған сәтте өз қозғалысының қауіпсіздігіне көз жеткізбестен, М.Оспанов көшесі бағытында келе жатқан №24 “ПАЗ” маркалы қоғамдық көлікпен соқтығысуға жол берді. Жол апаты салдарынан автобус жолаушылары мен автокөлік жүргізушісі зардап шекті.
Осыған байланысты ПД Анықтау басқармасы жол-көлік оқиғасы кезінде автобус салонында болған жолаушыларды анықтауда.
Куәгерлер анықталған жағдайда мына байланыс телефондарына хабарласуынызды сұраймыз: 936-403, 936-408, 8 705-735-38-33, 8 775 149-93-59 немесе Ақтөбе облысы ПД анықтау басқармасына №403 кабинетіне жолығуыңыз сұралады.
