Жамбыл облысында жолаушыдан 8,5 келіден астам гашиш табылды, – деп хабарлайды Polisia.kz.
“Қарасора – 2020” жедел-алдын алу іс-шарасы барысында Жамбыл облысы Полиция департаментінің Есірткі қылмысына қарсы іс-қимыл және Жергілікті полиция басқармасының қызметкерлері “Батыс Еуропа-Батыс Қытай” тас жолында “Хюндай Акцент” маркалы автокөлігін тоқтатқан.
“Тэя” атты қызметтік иттің көмегімен тексеру жүргізу барысында Алматы қаласының тұрғыны, 46 жастағы жолаушыдан салмағы 8 келі 515 грамм “гашиш” есірткі заты табылды.
Күдікті өз кінәсін толық мойындап, Қордай ауданының уақытша ұстау изоляторына қамауға алынды.
Аталған дерек бойынша Қылмыстық кодекстің 297-бабы 3-бөлімі бойынша сотқа дейінгі тергеу амалдары жүргізіліп жатыр.
“Қарасора-2020” жедел-алдын алу іс-шарасының 17 күні ішінде заңсыз есірткінің 55 дерегі анықталып, 150 келі есірткі заты тәркіленді.
