Алматыда қалта ұрысы ұсталды, – деп хабарлайды Polisia.kz.
Жедел уәкілдердің айтуынша, 26 жастағы жігіт дүкендерде, сауда үйлерінде, адам көп жиналатын орындарда ұрлық жасап жүрген.
– Күдікті қамауға алынды. Қазіргі уақытта оның бөтеннің мүлкін ұрлаудың алты дерегіне қатысы бар екендігі анықталды. Қаскөйдің қылмыстарының көпшілігі бейнекамералардың объективіне түсіп қалған. Жас жігіттің басқалардың қалтасынан ұялы телефондарды қалай шебер түрде шығарып жатқанын көруге болады. Сотқа дейінгі тергеу жалғасуда. Күдікті уақытша ұстау изоляторына қамалды, – деді Алмалы аудандық полиция басқармасының бастығы Есен Ысқақов.
Сонымен қатар тергеушілер күдіктінің қаланың басқа да аудандарында осыған ұқсас қылмыстарға қатысы бар-жоғын тексеріп жатыр.
