Павлодар полицейлері апатты жағдай туғызған жүргізушіні анықтады, – деп хабарлайды Polisia.kz.
Кезекті патрульдеу кезінде Павлодар қаласы полиция батальонының қызметкерлері Ак.Сәтбаев көшесімен жоғары жылдамдықпен келе жатқан Lexus автокөлігін байқады. Полицейлер құқық бұзушының артынан барып, тоқтауды талап етті. Бірақ жүргізуші бұрылыс сигналын қоспай, апаттық жағдай туғызып, қозғалыс бағытының жылдамдығын күрт өзгертуге мәжбүр етті.
Автокөлік жүргізушісі жолдағы мұндай әрекетті өте асығыс деп түсіндірді, сондықтан ол жол қозғалысының басқа қатысушыларына өз әрекеттерінің ниеті туралы ескертпеді.
– Жүргізушінің апаттық жағдай туғызуға әкеп соққан жол қозғалысы қағидаларын бұзғаны үшін оған қатысты ҚР ӘҚБтК-нің 606-бабы бойынша әкімшілік хаттама толтырылды, бұл он айлық есептік көрсеткіш мөлшерінде айыппұл салуға әкеп соғады. Сондай-ақ ҚР ӘҚБтК-нің 595-бабы бойынша маневр жасау ережелерін бұзғаны үшін оған бес айлық есептік көрсеткіш мөлшерінде айыппұл төлеуге тура келеді, – деді Павлодар патрульдік полиция батальонының командирі Айдар Сламбеков.
