Екі астаналық азамат кеңседен энергетикалық сусындарды ұрлап кеткен, – деп хабарлайды Polisia.kz.
Белгілі болғандай, жігіттер күндізгі уақытта бизнес орталығына келіп, есігі құлыпталмаған кеңселердің бірінде Gorilla энергетикалық сусынының екі қорабын көрген. Үй-жайда ешкім жоқ екенін пайдаланып, олар сусын қораптарын ұрлап кеткен.
Полицейлер жедел-іздестіру іс-шаралары барысында ұрлыққа қатысы бар астаналықтарды анықтады.
Ұрылар энергетик сусындарды пайдаланып үлгермеген, оны полицейлер тауып алып, тәркілеген.
Аталған фактіге қатысты ҚР ҚК-нің 188-бабы (Ұрлық) бойынша сотқа дейінгі тергеу амалдары жүргізіліп жатыр.
Осыған ұқсас бұрын жасалған қылмыстарға қатысы бар-жоғы анықталып жатыр.
Астана қаласының полиция департаменті шағын және орта бизнес иелеріне қырағы болуды, шағын және орта бизнес нысандарын күзет дабылымен және бейнебақылау камераларымен жабдықтауды ұсынады.
