Павлодар облысында иесіз жүрген жылқы жол апатына себеп болды, – деп хабарлайды Polisia.kz.
«Полицияның қазақстандық сервистік моделі» пилоттық жобасының элементтерінің бірі – клиентке бағдарлану. Бүгінгі таңда тұрғындарды бақылаусыз жайылып жүрген мал алаңдатады, бұл жол-көлік оқиғасын тудыруы мүмкін. Павлодарлық полицейлер ауыл шаруашылығы жануарларын жаю ережелерін сақтауды еске салады.
Ауданның шаруа қожалықтарының басшылары түнгі уақытта аумақтарды қорғауға, чиптер немесе таврлар орнатуға ерекше назар аударуы керек. Иелері қараусыз мал жаюды жүзеге асырмауы керек. Шағылыстыратын таспаларды орнату, әсіресе түнде жол-көлік оқиғаларының алдын алу үшін өте маңызды. Қаңғыбас малдың иелері ҚР ӘҚБтК-нің 408-бабы бойынша әкімшілік жауапкершілікке тартылады.
– Мысалы, 21 шілдеде Баскөл ауылының тұрғыны полицияға хабарласып, шалғындарда сиырлар бақылаусыз жайылып жатқанын, сол арқылы оның шабындық алқаптарына зиян келтірілгенін хабарлады. Учаскелік полиция инспекторы мал иесін анықтады, ол ауылдың 28 жастағы тұрғыны болып шықты. Ауыл тұрғыны ҚР ӘҚБтК-нің 408-бабы бойынша әкімшілік жауапкершілікке тартылды. Басқа жағдайда, Ленинск – Курчатов автожолында сағат 01.00-де Lada Granta автокөлігінің 43 жастағы жүргізушісі жолға жүгіріп шыққан жылқыны қағып кеткен. Жылқы иесі анықталды және жауапкершілікке тартылды, сондай-ақ бүлінген автокөлік үшін келтірілген материалдық залалды өтейтін болады, – деді жергілікті полиция қызметі басқармасы бастығының міндетін атқарушы Азамат Күркебаев.
Жыл басынан бері Павлодар облысында бақылаусыз жайылып жүрген 9175 бас мал айыппұл тұрағына қамалды.
