ШҚО полицейлері жол жиегінен көтеріле алмай қалған КамАЗ жүргізушісіне көмектесті, – деп хабарлайды Polisia.kz.
ШҚО ПД ППБ қызметкерлері Ринат Костубаев пен Алмас Қазымбаев Өскемен – Рахманов қайнарлары тасжолын патрульдеу кезінде көктайғақ салдарынан жол жиегінен көтеріле алмай қалған тіркемесі бар КамАЗды байқаған.
Осы жерге жақын маңда жолға құм себетін көлік болған, полицейлер олардан көмек көрсетуін сұраған. Осыдан кейін Алмас Қазымбаев қолына күрек алып, ауыр жүк көлігінің қозғалуы үшін жолға құм лақтыра бастаған, ал Ринат Костубаев бұл кезде басқа көлік құралдарының қозғалысын реттеген.
Полиция қызметкерлерінің жұмысының нәтижесінде КамАЗ әрі қарай жол тартты. Өз кезегінде жүргізуші бейне үндеу жазып, тәртіп сақшыларына көрсеткен көмегі үшін шын жүректен алғысын білдірді.
