Екібастұздық полицейлер қараусыз жүрген малдың ЖКО-ға себеп болатынын еске салды, – деп хабарлайды Polisia.kz.
Екібастұз қаласының полиция қызметкерлері жолдарда үй жануарларының болу жағдайларын және автокөлікпен соқтығысуды болдырмау үшін тұрғындармен малдың еркін жайылуына жол бермеу бойынша тұрақты негізде ақпараттық жұмыс жүргізуде.
Павлодар облысы Солнечный кентінің учаскелік полиция инспекторы Сабыр Құлтанов шаруа қожалықтарының басшыларымен кездескен кезде қаңғыбас малдың қауіптілігі неде екенін айтты.
– Жыл басынан бері тек Солнечный кенті бойынша ауыл шаруашылығы жануарларын жаю ережелерін бұзғаны үшін 21 иесіз мал иесіне жаза қолданылды, әрбір мал иесіне 3-тен 10 АЕК-ке дейінгі мөлшерде айыппұл салынды. Биылғы жылы арнайы тұраққа 9 жылқы табыны қамалды, – деп хабарлады полиция.
Мал иелерінің немқұрайлы көзқарасы қайғылы салдарға әкеледі. Биыл иесіз малдың кінәсінен 3 ЖКО орын алды.
Әрбір ауыл тұрғыны үшін жануарлардың жоғалуы нағыз трагедия, өйткені көптеген ауыл тұрғындары үшін бұл тіршілік көзі. Мал иелерінің мүддесі үшін олардың сақталуы туралы ойлану керек екенін түсіну керек. Олар сөзбен емес, іс жүзінде бұған қызығушылық танытуы керек.
– Егер сіз өзіңіздің қосалқы шаруашылығыңызды жүргізсеңіз, малды бақылауда ұстаңыз, мал жаюды ұйымдастырыңыз және жайылымнан кейін уақытында кездесіңіз, қораларды сенімді құлыптармен жабдықтаңыз, бұл сіздің тыныштығыңыз бен малдың сақталуына кепілдік беріледі, — деп атап өтті Сабыр Құлтанов.
