Тұрақ ережесін бұзған павлодарлықтарға қатысты хаттамалар толтырылды, – деп хабарлайды Polisia.kz.
13 қаңтарда түстен кейін «102» нөміріне Бестужев көшесінде тұратын қала тұрғыны қоңырау шалды. Ол балалар алаңында бірнеше автокөлік балалардың ойнауына кедергі келтіре отырып, тұраққа қойылғанын айтты.
– Бұл автокөлік иелерінің ұяттары мүлдем жоқ, балалар алаңына кіріп кетті. Ойнайтын жер жоқ, – деді қоңырау шалған әйел.
Аталған үйге келген полицейлер тұрақ ережелерін бұзғанына көз жеткізді. Олар көліктердің иелерін анықтап, әрқайсысына қатысты ҚР ӘҚБК 597-бабы бойынша әкімшілік хаттамалар жасады. Сондай-ақ автоәуесқойлармен әңгіме жүргізілді.
Сол күні сағат 19.00-де тағы бір павлодарлық тұрғын тәртіп сақшыларына жүгінді. Ол жүргізушілердің ерік-жігеріне қатты наразы болды.
– Мен де автокөлік иесімін, бірақ мен бұған ешқашан жол бермеймін. Білесіз бе, бұл жерде жол жоқ, ал жүргізушілер кіріп, көліктерін үй алдындағы баққа қояды, автотұрақ ұйымдастырды, – деді ол.
Ол жүргізушілер жаяу жүргіншілерді қағып кетуі мүмкін деп алаңдады, сонымен қатар тұрақ ережелерін бұзу азаматтардың, соның ішінде мектептен оралған балалардың өтуіне кедергі келтірді.
– Келген полицейлер тәртіп бұзушыларға қатысты әкімшілік хаттамалар жасап, ережелерді сақтау қажеттілігі туралы әңгіме жүргізді, – деп атап өтті полицияда.
