Қарағанды облысында алаяқ әйел қазақстандықтарға жоқ сертификаттарды сатқан, – деп хабарлайды Polisia.kz.
Қарағанды қаласының ПБ Октябрь полиция бөліміне сәуір айынан бастап белгісіз біреудің алаяқтық әрекетінің құрбаны болған азаматтардан арыздар түсе бастады.
Зардап шеккендердің көбісі ҚР-ның әр өңірінде тұратын оқу орындарының ұстаздары.
Сонымен, 20 сәуір күні полицияға 46 және 37 жастағы Қарағанды қаласының тұрғыны жүгінген. Әйелдер педагогикалық қызметпен айналысатыны анықталды.
Интернет-қосымшалардың бірінде олардың назарын онлайн оқытудан кейін сертификаттар беретін белгілі бір біліктілік орталығының қызметі туралы хабарландыруға назар аударған.
Жәбірленушілерге шарты қолайлы болып көрініп, аталған орталықтың біреуіне 35 мың теңге, екіншісінде 30 мың теңгені аударған.
Қажетті құжатын алмаған әйелдер алданып қалғандарын түсініп, полицияға хабарласады. ҚР Қылмыстық кодексінің 190-бабы (Алаяқтық) бойынша қылмыстық іс қозғалды.
27 сәуірде Октябрь ПБ Нұр-Сұлтан қаласының 33 және 46 жастағы тұрғынынан арыз түскен.
Анықталғандай, олар сертификат алуға тырысып, виртуалды біліктілікті арттыру орталығында ешқашан өтпеген оқу үшін 30 мың теңге және 50 мың теңге ақша төлеген. Жедел-іздестіру іс-шаралары барысында криминалдық полиция қызметкерлері Қарағанды қаласының 27 жастағы күдікті тұрғынын анықтап, ұстады. Ол өз кінәсін толық мойындады.
Полицейлер сотқа дейінгі тергеп-тексеру барысында алаяқтың осыған ұқсас 23 факті қылмыстарға қатысы барын дәлелдеді. Қазіргі уақытта келтірілген шығынның жалпы көлемі анықталуда.
