Алматы облысының полициясы балалар үйі тәрбиеленушілерін ұрып-соғып жатқан видеоға қатысты түсініктеме берді, – деп хабарлайды Polisia.kz.
27 тамыз күні Іле ауданының қорғаншылық және қамқоршылық органдарына отбасы үлгісіндегі балалар үйі тәрбиеленушілерінің ұрып-соғылғандығы жайында ақпарат келіп түскен.
Аталған сигнал бойынша ювеналды полиция қызметкерлері аудан әкімдігінің мамандарымен бірлесіп тиісті тексеру жұмыстарын ұйымдастырды. Тәрбиеленушілер біраз уақытқа «Солнышко» балалар үйіне тапсырылды.
ҚР ӘҚБтК-нің 127-бабында көзделген факті бойынша жиналған материал соттың қарауына жіберілді.
Балаларды одан әрі қорғаншылыққа алу немесе одан айыру туралы шешімді арнайы құрылған комиссия қабылдайды.
