Павлодарда жоғалған 6 жасар бала аман-есен табылды, – деп хабарлайды Polisia.kz.
4 қыркүйекте сағат 13.00-де Павлодар полициясына әйел хабарласып, оның Саид есімді 6 жасар ұлы жоғалып кеткенін хабарлады. Өтініш берушінің айтуынша, ол біраз уақыт бұрын ұлын би сабағына апарған, ал үйірмеден оны әкесі алып кетуі керек еді, бірақ сәл кешігіп қалған. Саид ата-анасын күтпей, өз бетінше үйіне қайтуды ұйғарған. Ол аялдамаға барып, автобусқа отырып, Дачный шағын ауданына жетті. Аулада досымен кездесіп, біраз уақыт бірге ойнаған. Содан кейін достар шамамен төрт көшеден кейін тұратын таныс қызға қонаққа барған. Біраз уақыт ойнап, Саидтің досы үйге қайтуды шешті. Саид пен дос қыз баланы жолдың ортасына дейін шығарып салып, қыздың ауласында ойынды жалғастырған.
Осы уақытта кішкентай Саидты іздеуге Павлодар қаласының Оңтүстік полиция бөлімінің барлық жеке құрамы бағдарланды, іздеуге ата-аналар, туыстар, еріктілер мен көршілер де қатысты. Қала бойынша орнатылған бейнебақылау камералары қаралды. Әлеуметтік желілердегі қалалық аккаунттарда баланың жоғалғаны туралы хабарландырулар жарияланды.
Сағат 17.00-де іздеу сәтті аяқталды. Камералар мен куәгерлердің көмегімен Саид 7 жасар досының үйінің ауласында ойын үстінде табылды.
