Өскемен полицейлері жоғалған 11 жастағы баланы тапты, – деп хабарлайды Polisia.kz.
7 қазанда сағат 13:30-да «102» каналына кәмелетке толмағандарды бейімдеу орталығы директорының міндетін атқарушы хабарласты. Ол кәмелетке толмағандарды бейімдеу орталығы тәрбиеленушілерінің бірінің сынып жетекшісі оған жүгінгенін және сағат 13:25-те мектептен белгісіз бағытта кеткен кәмелетке толмаған баланың жоғалып кеткені туралы ақпарат бергенін айтты.
Кәмелетке толмағанның тұрған жерін анықтау мақсатында дабыл бойынша жедел-іздестіру тобы дереу жиналды.
Тәртіп сақшылары қандай да бір ақпаратты меңгере алатын таныстар мен куәгерлерден сауалнама алып, бүкіл іргелес жатқан аумақтарды: гүлзарларды, саябақтарды, жастар жиналатын орындарды, дәмханаларды, тұрғын үйлердің кіреберістерін мұқият аралап шықты.
Өскемен қаласы ПБ КПБ қылмыстық іздестіру бөлімшесінің бастығы А. Дүйсенбаев пен Өскемен қаласы ПБ Ертіс ПБ бастығының бірінші орынбасары Б. Рахимбаевтың қабылдаған шараларының нәтижесінде кәмелетке толмаған бала бау-бақша қоғамдастықтары бірінің саяжайында анасының танысынан табылды. Жоғалған баланың орналасқан жері туралы анасы хабарлады.
Әйел 7 қазан сағат 14:00-де оның үйіне ұлы келіп, қалуды өтінді, бірақ бұл туралы кәмелетке толмағандарды бейімдеу орталығы қызметкерлеріне ескертпеді. Ұлының өтініші бойынша әйел оны танысына апарған, содан кейін полиция қызметкерлеріне орналасқан жері туралы хабарлаған.
