Ақмола тұрғыны көршісінің үйіне кіріп, алтын бұйымдарды ұрлап кеткен, – деп хабарлайды Polisia.kz.
Степногорск қаласы Полиция басқармасының криминалдық полиция қызметкерлері екі ай бойы Заводская кентінде пәтер ұрлығына қатысы бар адамдарды анықтау бойынша жедел-іздестіру іс-шараларын тоқтатқан жоқ. Қылмыс тамызда белгілі болды. Өтініш берушінің айтуынша, оның уақытша болмағанын пайдаланған қаскүнемдер үйге кіріп, 790 мың теңгеден астам соманың алтын бұйымдарын ұрлап кеткен. Оқиға болған жерді алғашқы тексеру ұрылар үйге кілтті таңдау арқылы кіргенін көрсетті.
Ұрлық фактісін полицейлер сотқа дейінгі тергеп-тексерулердің бірыңғай тізілімінде 188-бабы 3-бөлігі (Ұрлық) бойынша тіркеді.
Жедел-іздестіру іс-шараларын жүргізу нәтижесінде полицейлер осы елді мекеннің 47 жастағы тұрғынының қылмысқа қатысы барын анықтады. Ұсталған адам жауап алу кезінде ұрлық жасаудан бірнеше күн бұрын жәбірленуші үйдің кілттерін гүлзарға жасырғанын көргенін түсіндірді. Кейінірек үй иелері жоқ екенін білген ол кілттерді алып, ашып, үйге кірген. Ұрланған зергерлік бұйымдарды, білезіктер, сақиналар мен сырғаларды ақмолалық Степногорск қаласының ломбардтарына тапсырған.
Қазіргі уақытта ұрланған бұйымдар жедел қызметкерлермен тәркіленіп, күдікті уақытша ұстау изоляторына қамалды.
Полицейлер оның өңір аумағында осындай қылмыстарға қатыстылығын тексеріп жатыр.
