Маңғыстау облысының тұрғыны тергеу изоляторына телефон өткізбек болды, – деп хабарлайды Polisia.kz.
Маңғыстау облысы бойынша ҚАЖ департаментінің №77 мекемесінде тыйым салынған затты өткізуге әрекет жасау фактісі тіркелді.
Тергеу изоляторында сотталған Б.есімді туыстарынан сәлемдеме келген кезде қызметкерлер оны тексерді. Нәтижесінде олар радиоқабылдағыштың ішінде жасырылған тыйым салынған заттарды тауып, тәркілеп алды.
Мекеме қызметкерлері жедел ақпаратты тексерген кезде азық-түлікті беру үшін тексеру бөлмесінде телефон, үш SIM-карта және үш флешкарта табылды. Заттар радиоқабылдағыштың ішіне ұқыпты түрде жасырылған. Олар сотталғандардың біріне арналған.
Ұсталған Ақтау қаласының тұрғыны ҚР ӘҚБтК-нің 481-бабы (Қылмыстық-атқару жүйесі мекемелерінде, арнайы мекемелерде ұсталатын адамдарға тыйым салынған заттарды, бұйымдар мен заттарды беру) бойынша жауапкершілікке тартылатын болады.
