Жол жүру ережелерінде көзделген жолаушылар мен жүктерді тасымалдау, қауіпсіздік белдіктерін немесе мотошлемдерді пайдалану жөніндегі талаптарды сақтамағаны үшін 4700-ге жуық тұрғын жауапқа тартылды, – деп хабарлайды Polisia.kz.
Көлік жүргізу кезінде қауіпсіздік белдіктерін пайдаланудың маңыздылығы туралы жеткілікті жазылған және айтылған. Қауіпсіздік белдіктері өткен ғасырдың ортасынан бастап қолданылып келеді, бірақ мұндай ұзақ уақыт ішінде барлық талаптар мен айыппұлдарға қарамастан, қауіпсіздік белдіктерін тағу әдеті – жүргізушілерде де, жолаушыларда да әлі де дамымаған .
– Жол қозғалысына қатысушылар қауіпсіздік белдігі жүргізуші мен жолаушыларды қорғауға арналғанын есте ұстауы керек.
10 км/сағ жылдамдықтағы апат кезінде де адамның салмағы тоннаға тең. 60 км/сағ кезінде соққыны 6 қабаттан секірумен салыстыруға болады, 80 км/сағ – 9 қабаттан, 110 км/сағ – 16 қабаттан. Бұл ретте белбеуі бекітілмеген апаттардың 80%-на дейін қалалық жағдайларда орын алады.
Мысалы, 2023 жылғы 26 шілдеде Павлодар қаласында Естай – Ак.Сәтпаев көшелерінің қиылысында 33 жастағы Toyota Camry маркалы автокөліктің жүргізушісі көлікті қауіпсіздік белдігін тақпай жүргізген. Осы бұзушылық үшін жүргізуші ҚР ӘҚБтК-нің 593-бабы 2-бөлігі (Жол жүрiсi қағидаларында көзделген жолаушыларды және жүктердi тасымалдау, қауiпсiздiк белдіктерiн немесе мотошлемдердi пайдалану жөніндегі талаптарды сақтамау) бойынша жауапқа тартылды. Жүргізушіге 5 АЕК айыппұл салынды.
