26 тамызда "Біз нашақорлыққа қарсымыз!" тақырыбында Ақтау қаласы жасөспірімдер арасында облыстық ПД полицейлері шахматтан ашық турнир ұйымдастырды, - деп хабарлайды Polisia.kz.
Шара 14-шағын ауданы маңындағы теңіз жағалауында өтті.
Іс-шараның негізгі мақсаты - шахмат спортын насихаттау және облыстағы шахматшылардың достық пен сыйластыққа негізделген қарым-қатынасын нығайту.
Турнирді Маңғыстау облысы ПД есірткіге қарсы іс-қимыл басқармасы мен "Біз спорт үшін есірткіге қарсымыз!" Қоғамдық бірлестігімен, сонымен қатар Маңғыстау облысы әкімдігі, спорт басқармасының қолдауымен өткізілді.
Аталған шараның ең кішкентай қатысушы - 5 жаста. Турнирге 50-ден астам қатысушы қатысты. Жеңімпаздарға кубоктар, медальдар, грамоталар, естелікке шахмат тақтасы табысталды.
