Түркістан облысының полицейлері млн теңгеден астам айыппұлы бар такси жүргізушісін анықтады, – деп хабарлайды Polisia.kz.
Түркістан облысы патрульдік полиция батальонының қызметкерлері «Қорғау – қауіпті жүргізуші» бағдарламасының көмегімен айыппұл төлемеген Nissan Maxima автокөлігінің жүргізушісін анықтады.
Яғни жедел басқару орталығынан «Қорғау» бағдарламасы арқылы борышкердің автокөлігі бойынша хабарлама полиция планшетіне түсті. Осыдан соң полицейлер көлікті Самара – Шымкент тас жолында тоқтатты.
Тексеру кезінде жүргізуші жеке тасымалдаумен айналысатыны анықталды, ал айыппұлының басым көпшілігі жылдамдықты арттырумен байланысты. Сот орындаушысының қаулысына сәйкес, Nissan Maxima автокөлігінің иесі 1 280 000 теңгеден астам сомаға айыппұл төлемеген. Заң талаптарына сәйкес полиция көлікті айыптұраққа қойып, жүргізушіге айыппұлдарды уақытылы төлеу қажеттілігі туралы түсіндірді.
