Атырауда полицейлер мейрамханадан телефон ұрлаған күдіктіні ұстады, – деп хабарлайды Polisia.kz.
Құқық бұзушылықтарға нөлдік төзімділік қағидасын нығайту, көшелер мен басқа қоғамдық орындарда тиісті қоғамдық тәртіпті қолдау мақсатында 20-30 қараша аралығында қала аумағында “Құқықтық тәртіп” жедел-профилактикалық іс-шарасы өткізіліп жатыр.
“Құқықтық тәртіп” іс-шарасы көшелерде және басқа да қоғамдық орындарда қоғамдық тәртіпті сақтау мен алдын алуды күшейтуге, вандализм, мүліктің бүлінуі, ұсақ бұзақылық, сондай-ақ жол қауіпсіздігі саласындағы бұзушылықтар фактілерін анықтауға және жолын кесуге бағытталған. Шара барысында Атырау қалалық полиция басқармасының №1 қалалық полиция бөлімінің жедел-уәкілдері 19 қараша күні Атырау қаласы Әуезов көшесінде орналасқан мейрамхананың бірінде ұрлық жасаған адамды ұстады. Тексеру кезінде Iphone 12 телефонын ұрлаған 1985 жылы туған әйел адам анықталды.
Оған қатысты ҚР ҚК-нің 188-бабы 1-бөлігі бойынша хаттама толтырылып, сотқа дейінгі тергеп-тексеру басталды.
