Талдықорғанда студенттер арасында есірткіге қарсы пікір-сайыс турнирі өтті, – деп хабарлайды Polisia.kz.
Есірткі қылмысына қарсы іс-қимыл басқармасының қызметкерлері облыс орталығының студенттері арасында жастардың есірткіден бас тартуы мен салауатты өмір салтын насихаттау тақырыбында пікір-сайыс өткізді.
Іс-шараның дайындығы мен өткізілуіне «Жетісу жастары» жастар қозғалысының белсенділері тікелей қатысты.
– Пікір-сайыс барысында студенттер өз ойларымен бөлісіп, әлемдегі және Қазақстандағы есірткіге тәуелділік мәселелерін талқылады. Оны шешудің нәтижелері мен тиімді әдістері де тақыланды. Студенттер дайындықтың жоғары деңгейін көрсетті, – деп атап өтті Жетісу облысы ПД есірткі қылмысына қарсы іс-қимыл басқармасында.
Осындай турнирлерді өңір полицейлері ұдайы түрде өткізіп тұрады. Олардың негізгі мақсаты – жасөспірімдер мен жастар арасында есірткіге байланысты құқық бұзушылықтарды алдын алу, салауатты өмір салтын насихаттау, сондай-ақ жастардың есірткіден толық бас тартуын қалыптастыру.
