Астық тиелген тіркемесі бар жүк көлігі Ақмола облысындағы тас жолда аударылды. Жүргізушіге патрульдік полиция көмек көрсетті, – деп хабарлайды Polisia.kz.
Екатеринбург – Алматы тас жолында астық тиелген тіркемесі бар КамАЗ автокөлігінің жүргізушісі өте қауіпті жағдайға тап болды. Жүру кезінде көлік құралының бір сайманы істен шығып, тіркеменің жолға аударылуына себеп болды. Оқиға туралы патрульдік полиция ротасының экипажы, құрамында Ерболат Нұрлыбеков пен Асанәлі Әскербековке осы уақытта автожол учаскесін патрульдеу кезінде белгілі болды.
Полицейлер ықтимал жол-көлік оқиғаларын болдырмау үшін аумақты дереу қоршауға алды, сондай-ақ тіркемені көтеру үшін жақын маңдағы елді мекеннен арнайы техниканы қамтамасыз етті.
Бірнеше сағат бойы құтқару операциясы жалғасып жатқанда, полиция қызметкерлері жүргізушінің жанында болып, жол учаскесінде жол қауіпсіздігін қамтамасыз етті. Соңында жүргізуші полицейлерге көмек көрсеткені үшін алғыс айтты.
