Алматы облысында полицейлер тазалық қызметкерлеріне алғысын білдірді, – деп хабарлайды Polisia.kz.
Жаңа жыл қарсаңында Жамбыл ауданының полиция бастығы жеке құраммен бірге тазалық қызметінің қызметкерлерін мерекемен құттықтап, олардың еңбегіне зор алғыс білдірді.
Іс-шара барысында полиция қызметкерлері бұл мамандықтың үлкен жауапкершілікті, тәртіпті және адалдықты талап ететінін атап өтті. Дәл осы қызметкерлердің тынымсыз еңбегінің арқасында бөлімшелерде әрқашан тазалық пен тәртіп орнап, барлық қызметкер үшін жайлы атмосфера қалыптасады.
Құрмет пен ризашылық белгісі ретінде полиция бастығы тазалық қызметкерлеріне мерекелік сыйлықтар табыстап, жаңа жылда зор денсаулық, амандық және отбасылық жылулық тіледі. Іс-шараның жылы атмосферасы әр мамандықтың маңыздылығын тағы бір мәрте айқындап, шынайы алғыс пен сыйлықтар жаңа жыл мерекесінің жарқын бастамасына айналды.
