Абай облысында ЖҚЕ бұзған шетелдіктер жауапқа тартылды, – деп хабарлайды Polisia.kz.
Абай облысында жаза бұлтартпастығы мен заң үстемдігі қағидаттарына сәйкес жол қозғалысы ережелерін бұзған шетел азаматтары жауапкершілікке тартылды. Облыс орталығында жол қозғалысы ережелерін өрескел бұзу фактісі құқық қорғау органдарының назарынан тыс қалған жоқ.
Полиция қызметкерлері құқық бұзушыларды жедел анықтап, оларды Қазақстан Республикасының заңнамасына сәйкес жауапкершілікке тартты.
Сонымен қатар құқық қорғау органдарының қызметкерлері транзиттік көлік жүргізушілерімен түсіндіру жұмыстарын жүргізді. Негізгі назар жол қозғалысы ережелерін сақтау талаптарына, жолдағы қауіпсіздік шараларына және оларды орындамағаны үшін жауапкершілікке аударылды.
– Жолдағы қауіпсіздік — баршамыздың ортақ жауапкершілігіміз. Заңды білмеу жауапкершіліктен босатпайды, сондықтан біз жол қозғалысы ережелерінің барлық қатысушылары тарапынан қатаң сақталуын қадағалауды жалғастырамыз, — деп атап өтті облыстық полиция департаментінің баспасөз қызметі.
