Алматы және Жетісу облыстары бойынша ҚАЖ департаменті жыл басынан бері мектептерде кең көлемді үгіт-насихат шараларын өткізді, – деп хабарлайды Polisia.kz.
Мектеп оқушылары арасында кәсіби бағдар беру жұмыстарында алты ведомстволық мекеменің кадрлық қызметтері мен пробация қызметінің қызметкерлері жұмылдырылды.
ҚАЖ қызметкерлері жастарды ішкі істер органдарында қызмет етуге тарту бастамасын белсенді түрде қолдайды. Жоғары сынып оқушыларымен кездесулер барысында Қостанай қаласындағы ІІМ Академиясына оқуға түсу мүмкіндіктері туралы айтылды.
Үгіт-насихат барысында жоғары сынып оқушыларына ІІМ Академиясында оқудың негізгі артықшылықтары, оның ішінде сапалы білім алу, құқық қорғау органдарында мансаптық өсу мүмкіндігі және тұрақты жұмысқа орналасу кепілдігі таныстырылды.
Академияның бейнероликтері, сондай-ақ имидждік видеолар мен арнайы дайындалған брошюралар көрсетілді.
— Жастар – еліміздің болашағы, сондықтан біз олардың ішкі істер органдарында қызмет етуді ойлауын қалаймыз. ІІМ академиясы – бұл тек сапалы білім ғана емес, сонымен қатар маңызды және жауапты жұмыспен өмірін байланыстыруды қалайтындар үшін жақсы мүмкіндік, – деп атап өтті ҚАЖД бастығының орынбасары Магнис Сабиров.
Кездесулер барысында оқушыларға оқу орындарына түсу шарттары, үміткерлерге қойылатын талаптар және оқыту кезінде алатын қолдау түрлері түсіндірілді.
Құқық қорғау органдарында мансап құруға мүдделі оқушыларға қабылдау емтихандарына дайындалу бойынша пайдалы кеңестер мен ақпарат берілді.
ІІМ қызметіне тарту мақсатында осындай үгіт-насихат шараларын өңірдің басқа да аудандарында жалғастыру жоспарлануда, бұл жастарды қауіпсіздік пен құқықтық тәртіп саласындағы кәсіби таңдауға ынталандыруға көмектеседі.
— Мұндай іс-шаралар жастардың кәсіби бағдарлануында маңызды рөл атқарады, оларға мамандықты саналы түрде таңдауға және одан әрі білім алу жолын анықтауға көмектеседі, – деп бөлісті ҚАЖД бастығы Рысбек Тұрғымбаев.
