Шымкентте күштік құрылымдар арасында шағын футболдан турнир өтті, — деп хабарлайды Polisia.kz.
Қазақстан полициясы күнін мерекелеу аясында және "Заң мен Тәртіп" идеологиясын ілгерілету мақсатында Шымкент қаласында сот, күштік және арнайы құрылымдар қызметкерлері арасында шағын футболдан турнир өтті. Жарыс қоғам игілігі үшін қызмет ететін ведомстволар өкілдерін бір алаңға жинап, спорттық дайындықты, командалық рухты нығайтатын іс-шара болды. Командалар ойынның жоғары деңгейін және жеңіске деген ерік-жігерлерін көрсетті. Матч салауатты бәсекелестік пен серіктестіктің маңыздылығын көрсете отырып, достық атмосферада өтті.
Турнир қорытындысы бойынша 1 орынды Шымкент қаласы бойынша ҚР ұлттық қауіпсіздік комитеті департаментінің командасы, 2 орынды қалалық мемлекеттік кірістер департаментінің құрамасы, 3 орынды полиция департаментінің командасы иеленді.
Жеңімпаздар кубоктармен, медальдармен және естелік сыйлықтармен марапатталды.
Ұйымдастырушылардың айтуынша, бұл спорттық шараның басты мақсаты - заңдылық мен тәртіп қағидаттарына адалдықты, сондай-ақ бірлік пен ынтымақтықты нығайту.
