Ақмола облысында қаза болған полицейлердің құрметіне қойылған ескерткіштер жаңартылды, – деп хабарлайды Polisia.kz.
Ақмола облысында кәсіби мереке - Қазақстан полициясы күні қарсаңында полиция қызметкерлері қаза тапқан әріптестерінің құрметіне орнатылған ескерткіштер мен мемориалдарды абаттандыруды дәстүрлі түрде өткізді.
Жыл сайын осы күнге дейін полиция қызметкерлері аумақты тазартады, қоршауларды жаңартады, элементтерді бояйды, гүлдер отырғызады, сонымен қатар жүргінші плиталарын ауыстырады. Мұндай жұмыстарды жүргізу қызметтік борышын өтеп, өмірін қиғандардың жадын сақтайтын игі дәстүрге айналды.
- Біздің ардагерлеріміз ескерткіштер мен мемориал тақталарға ерекше қамқорлықпен қарайды. Олардың жағдайын бақылайды, бір нәрсені қай жерде жаңарту немесе қалпына келтіру керектігін айтады. Олар үшін бұл азаматтардың тәртібі мен қауіпсіздігі үшін өз өмірін қиғандарға деген құрмет пен ізет мәселесі, - Ақмола облысы полиция департаменті бастығының орынбасары Азамат Ашимов.
Бүгінгі таңда Ақмола облысында полиция қызметкерлерінің қызметтік борышын орындау кезінде қаза тапқандардың құрметіне орнатылған 17 мемориалдық нысан бар. Оның 8 ескерткіш, ал 9 каһармандардың өмірі мен қызметіне байланысты ғимараттар мен орындарға қойылған ескерткіш тақталар.
Мұндай акциялар қаза тапқандарды еске алып қана қоймайды, сонымен қатар ұрпақтар сабақтастығы мен уақыттың ажырамас байланысын баса көрсете отырып, полицейлердің жас буыны үшін маңызды тәрбиелік сәт ретінде қызмет етеді.
