Қостанай облысында учаскелік полицей мен қоғамдық көмекші құқықтық тәртіпті қамтамасыз етуде, — деп хабарлайды Polisia.kz.
Қостанайдағы Әл-Фараби көшесіндегі №100 үйде белсенді тұрғын әрі учаскелік полиция инспекторының қоғамдық көмекшісі - Зоя Бозбалина тұрады. Ол бес жылдан астам уақыт бойы аулада болып жатқан жағдайларға тек бақылаушы болып қана қоймай, үй мен көршілердің өзекті мәселелерін шешуде маңызды рөл атқарып келеді.
Учаскелік инспектормен бірлесіп, Зоя Шагатаевна үнемі пәтерлерді аралап, түсіндіру жұмыстарын жүргізіп, тұрғындарды интернет-алаяқтықтың қауіптілігі туралы ескертеді. Осындай тығыз өзара іс-қимылдың арқасында құқық бұзушылықтардың алдын алу, сондай-ақ қиын жағдайға тап болған адамдарға — ішімдікке тәуелді, құжатсыз немесе тұрақты мекенжайы жоқ жандарға көмек көрсету мүмкін болып отыр.
Тұрғындарды әсіресе тәулік бойы жұмыс істейтін “Жагат” дүкені алаңдатады. Онда үнемі алкоголь сатылады. Бұл өз кезегінде аулада мас адамдардың жиналуына, қоқысқа, шуға және қоғамдық тәртіптің бұзылуына әкеліп соғады. Барлық қиындықтарға қарамастан, Зоя Бозбалина полицияның сенімді серіктесі әрі ауласының нағыз көшбасшысы болып қала беруде.
— Мен тек біздің ауламыздың тыныш әрі қауіпсіз болғанын қалаймын. Бұл — біздің ортақ ортамыз, егер біз қамқор болмасақ, онда кім қамқор болады?, — дейді Зоя Шагатаевна.
Оны бәрі біледі, ал ол әр тұрғынды таниды. Алғашқы шақырудан-ақ іске кірісуге дайын.
Полиция мен белсенді тұрғындардың осындай тандемі — ортақ күшпен қауіпсіз әрі жайлы өмір сүру ортасын қалыптастырудың айқын үлгісі.
