Жетісу облысында тергеу изоляторында есірткінің зияны туралы профилактикалық әңгіме өтті, – деп хабарлайды Polisia.kz.
Тергеу изоляторының қабырғасында есірткі қылмысына қарсы күрес басқармасының қызметкерлері есірткі қылмысының алдын алу кеңесімен бірлесіп, тергеу изоляторында отырғандар арасында есірткі қолдану мен таратудың салдарын түсіндіру мақсатында профилактикалық іс-шара өткізді.Уақытша ұстау изоляторында профилактикалық жұмыс жүргізу – есірткі қылмысына қарсы жүйелі күрестің маңызды бөлігі. Себебі дәл осында, көптеген адамдар қате таңдаудың зардабын бастан өткеріп жатқан сәтте, зиянды түсіну және өмірге жаңа көзқараспен қарау мүмкіндігі ерекше мәнге ие.
Полиция қызметкерлері есірткінің ағзаға әсерін, тұлғалық өзгерістерге әкелетінін, отбасы мен болашаққа тигізетін кері ықпалын жан-жақты баяндады. Сонымен қатар заңсыз айналымға тартылудың себептері, "қауіпсіз" деп саналатын заттар туралы кең тараған мифтер және заң алдындағы міндетті жауапкершілік мәселелері де егжей-тегжейлі түсіндірілді.
Ашық диалог форматында өткен әңгіме барысында мамандар тыңдаушылардың сауалдарына жауап беріп, кез келген зиянды тәжірибе өзгеріс жасау үшін бастау нүктесі бола алатынын атап өтті. Ең бастысы – адам саналы түрде есірткісіз өмірді таңдауға дайын болуы қажет. Мұндай шаралар тұтқындарға тек ақпарат беріп қана қоймай, олардың өз болашағы туралы ойлануына, тәуелділік пен қылмыстан бас тартып, қалыпты әрі еркін өмірге қайта оралуға ынталандыруға мүмкіндік жасайды. Себебі мәселені түсіну – оны шешудің алғашқы қадамы.
Есірткі қылмысының алдын алу бағытындағы жұмыс жалғасуда. Оның басты мақсаты – адам өмірін сақтау, қателіктердің қайталануына жол бермеу және әр азаматқа денсаулықты, отбасыны және заңды таңдауға мүмкіндік беру.
