Қостанай облысында "Абайлаңыз, балалар!" республикалық акциясы аясында полиция қызметкерлері прокуратура және білім беру органдарымен бірлесіп, жол қауіпсіздігіне арналған ірі профилактикалық іс-шара өткізді, - деп хабарлайды Polisia.kz.
Аталған шараға 500-ден астам оқушы қатысып, жолдағы қауіпсіз жүріс-тұрыс ережелері бойынша кең көлемде түсіндіру жұмыстары жүргізілді. Сонымен қатар балалардың қатысуымен болатын жол-көлік оқиғаларының жиі кездесетін себептері талқыланды.
Іс-шара барысында балаларды автокөлікпен тасымалдау кезінде арнайы қауіпсіздік құрылғыларын қолданудың маңыздылығы ерекше атап өтілді.
Сондай-ақ ЖҚAЖ қызметкерлерінің көрсетілімдері оқушылардың қызығушылығын тудырды. Балалар арнайы жабдықтармен танысып, полиция қызметінің жұмыс ерекшеліктерін көріп-білуге мүмкіндік алды.
Мұндай профилактикалық іс-шаралар балалардың жолдағы қауіпсіздік мәдениетін қалыптастырып, жол қозғалысы ережелеріне деген жауапкершілігін арттыруға ықпал етеді.
