Жезқазған қаласының криминалдық полиция қызметкерлері темекі өнімдерін ұрлаумен айналысқан ер адамды ұстады, – деп хабарлайды Polisia.kz.
17 ақпан Жезқазған қаласында кәсіпкерлікпен айналысатын 33 жастағы тұрғыннан полицияға арыз түскен. Әйел полицияға кешкі сағат 6.30 шамасында белгісіз біреу өзінің азық-түлік дүкенінде 11 960 теңге темекіні ұрлап кеткенін айтты. Жедел-іздестіру іс-шаралары барысында криминалды полиция қызметкерлері 33 жастағы Сәтпаев қаласының тұрғынын ұстады.
Күдіктінің бұл іс бірінші эпизод емес екені белгілі болды. Осыдан бір күн бұрын ол Жезқазғандағы тағы бір дүкенді ұрлыққа түсіп, ол жерден 19 700 теңге темекі өнімдерін ұрлап кеткен.
Оның басқа ұқсас қылмыстарға қатыстылығын тексерілуде.
