Қызылорда облысында «Мотоцикл» жедел-профилактикалық іс-шарасы өтіп жатыр, – деп хабарлайды Polisia.kz.
Автомобиль жолдарында мотокөлік жүргізушілер арасында көліктік тәртіпті арттыру мақсатында маусым айының 18-25 күндері аралығында Қызылорда облысы Полиция департаментінің бастығы Бектөре Сұлтанның нұсқауымен Қызылорда облысы бойынша «Мотоцикл» жедел-профилактикалық іс-шарасы өткізіліп жатыр.
Іс-шараның төрт күнінде мотокөлік құралдарының жүргізушілері тарапынан жол қозғалысы ережесін бұзудың барлығы – 241 дерегі анықталды, оның ішінде, мотокөлік құралдары арқылы түнгі тыныштықты бұзудың (ҚР ӘҚБтК-нің 437 бап) – жеті дерегі, жалған немесе қолдан жасалған мемлекеттік белгі тағудың (590.4б.)– 3, заңсыз қайта жабдықтаудың (590.7-бап) – 10, міндетті техникалық қарап-тексеруден өтпеген (590.9 бап) – 22, мотошлем пайдалану жөніндегі талаптарды бұзудың (593 бап) – 58, тиісті құжатсыз мотокөлік басқарудың (612.1 бабы) – 66, мас күйінде мотокөлік басқарудық (608 бап) – екі дерегі анықталды.
