Түркістан облысында карантин талаптарының сақталуы полицейлердің қатаң бақылауында тұр, – деп хабарлайды Polisia.kz.
Қазақстан Республикасы Бас санитарлық-дәрігерінің 2020 жылғы №39 қаулысы негізінде, Бәйдібек ауданында коронавирус індетінің тіркелуіне байланысты, халық арасында коронавирустық инфекциясының таралуының алдын алу мақсатында бірқатар шаралар іске асырылды. Бәйдібек ауданы полиция бөлімінің қызметкерлерімен аудан көлемінде көшелерге, шектеу белгіленген жерлерге ішкі бекеттер қойылды. Осыған орай, карантин кезінде аудан тұрғындарының көшелерде белгілі уақыттарда ғана жүріп-тұруы, аса қажеттілік болмаса сыртқа шықпауы, адамдар көп шоғырланған жерлерде қауіпсіздік шараларын сақтауды түсіндіріп өтті.
Карантин шараларының орындалуын Бәйдібектік полицейлермен қатар Келес АПБ-нің қызметкерлеріде бақылауға алып, қарқынды жұмыс жүргізіп жатыр. Келестік тәртіп сақшылары адамдар көп шоғырланатын қоғамдық орындар, базарларда, кафелерде түсіндірме жұмыстарын жүргізіп келеді. Арнайы көліктермен, көше-көшені аралап, қауіпсіздік шараларының, арақашықтықтың сақталуын дауысүдеткішпен ескертеді. Соның нәтижесінде өткен сенбі, жексенбі күндері Келес АПБ және Әкімшілік қызметкерлерімен біргелікте рейд іске асып, кафе-базарлар жұмыстарын ТО Бас санитарлық-дәрігерінің қаулысына сәйкес сенбі-жексенбі күндері тоқтатты.
Бұдан кейінгі күндері де полицейлер кәсіпкерлерге карантинге байланысты шектеулерді ескеріп жұмыс істеуін ұғындырып, қадағалап, рейдті үздіксіз ұйымдастырып отыратынын ескертеміз.
