Шымкентте полиция қызметкері көлігі бұзылған азаматшаға көмектесті, – деп хабарлайды Polisia.kz.
Жол бойында автокөлігі бұзылып қалған азаматшаға тәртіп сақшылары көмек көрсетті. Шымкент қаласы Полиция департаментінің қызметкерлері Бәйдібек би даңғылы бойында жол жиегінде тұрып қалған темір тұлпар иесіне көлігінің дөңғалағын алмастыруға көмек қолын созған. Көлік тізгіндеген азаматшаның сөзінше полиция қызметкерлері жылдам әрекет етіп, мәселесін шешуге көмектескен. Тәртіп сақшыларының іс-әрекетіне дән риза болған азаматша бейнежазба арқылы алғысын білдірді.
