Шымкентте карантинге қарамастан жұмыс жасаған ойынхана анықталды, - деп хабарлайды Polisia.kz.
Шымкент қаласы Полиция департаменті Әл-Фараби ауданы Полиция басқармасының қызметкерлері карантин талаптарының сақталуын қадағалау мақсатында тұрақты түрде рейдтік жұмыстар атқаруда. Мәселен, №22 учаскелік полиция пункті қызметкерлері рейдттік іс-шара барысында Шымкент қаласы Қазыбек би көшесінде №205 үйде орналасқан "Спорт бар" ойынханасының жұмыс жасап тұрғанын анықтады. Аталған жайт бойынша ҚР ӘҚБтК-нің 425-бабы (Халықтың санитариялық-эпидемиологиялық саламаттылығы саласындағы заңнама талаптарын, сондай-ақ гигиеналық нормативтердi бұзу) бойынша жинақталған іс-құжаттар жинақталып, Тауарлар мен көрсетілетін қызметтердің сапасы мен қауіпсіздігін бақылау басқармасына жолданды.
Тәртіп сақшылары тұрғындарға тұрақты түрде карантин талаптарын түсіндіру жұмыстарын жүргізуде. Полицейлер үнемі бетперделік режим мен арақашықтықты сақтауды ескертеді.
