Алматыда бірқатар автокөлік ұрлығына күдікті ер адамдар ұсталды, – деп хабарлайды Polisia.kz.
40 және 48 жастағы екі күдікті ер адам көлікте отырып, пульт-сканердің көмегімен көліктердің ішін ашты, бөтеннің мүлкін ұрлады. Ұрылар барлық құнды заттарды ұрлаған, тіпті көліктердің бірінен 8 наурызға арналған гүлдер мен сыйлықты да алып кеткен.
– Олар күндіз жұмыс істеді, бұл кезде қала көліктерге толып, адамдар өте көп болады. Сыртынан қарағанда, бұлар күдікті көрінбейді, ер адам көліктің жанына келіп, есікті жайбарақат ашады, ішке отырады, бағалы заттарды алып, сыбайласымен бірге қылмыс орнынан кетеді. Көлік жүргізушісі әрдайым есік ашылса немесе жүк багажы туралы немесе басқа да нәрсе туралы ескерту дабылын алады. Бірақ, әдеттегідей, көп жағдайда зардап шеккен жүргізушілер дабылды қалтадағы батырманы кездейсоқ басу арқылы немесе өтіп бара жатқан көліктердің салдарынан немесе пульттің басқару жағында қуаты таусылуы салдарынан болады деп болжайды. Бұл сіз көліктен түсіп, оны жауып тастаған сәтте орын алуы мүмкін: сіз есіктерді ашуға дабыл аласыз. Сіздің көлігіңіз ұрылардың «басқаруында» болуы әбден мүмкін. Қаскөйлер сіздің дабылыңыздың толқынын ұстауы керек. Мүмкін олар жақын маңдағы көліктің ішінде отырып, сізді қарап отырған шығар, – деді Алмалы аудандық Полиция басқармасының бастығы Есен Ысқақов.
Спикер мұндай жағдайларда көшеге шығып, «темір тұлпарыңызды» тексеруде жалқаулық танытпау керектігін баса айтты. Ұрлық болған жағдайда оны полицияға жедел хабарлай аласыз. Бұл полицейлерге қажетті шараларды жедел қабылдауға мүмкіндік береді және қылмыскерлерді «ізін суытпай» ұстау мүмкіндігін едәуір арттырады.
– Күдіктілерді ұстау және жеке тінту кезінде 1973 жылы туған К.есімді азаматтан пульт-сканер тәркіленді, ол оның көмегімен көлік құралдарының дабыл жүйесін көшірген. Оның сыбайласы, 1981 жылы туған Д.есімді азамат жүргізуші рөлін сомдаған, ол бұрын ұрлық жасағаны үшін сотталған. Ұсталғандардың екеуіне қатысты ҚР ҚК-нің 188-бабы 3-бөлігі (Ірі мөлшерде жасалған ұрлық) бойынша сотқа дейінгі тергеу амалдары жүргізілуде. Серіктестердің артында қалада жасалған төрт эпизод бар. Осыған ұқсас құқық бұзушылықтарға қатыстылығы тексеріліп жатыр, – деді Ысқақов.
