Ақтөбеде бір күнде полицейлер есірткіден мас күйіндегі екі жүргізушіні анықтады, – деп хабарлайды Polisia.kz.
19 маусымда Ш.Қалдаяқов көшесіндегі патрульдік полиция қызметкерлері 26 жастағы банктердің бірінің менеджерінің басқаруындағы Daewo Nexia автокөлігін тоқтатты. Ол бұрын көлік құралдарын басқару құқығынан айырылған, «каннабиоидтарды» пайдаланудан туындаған мас күйінде көлікті басқарған.
Сол күні Бөкенбай батыр көшесіндегі «Дастан» қонақ үйіне қарама-қарсы бетте полиция қызметкерлері 38 жастағы жүргізушінің басқаруындағы ВАЗ-21140 автокөлігін тоқтатты. Оның жүргізушісі де бұрын көлік құралын басқару құқығынан айрылып, автокөлікті есірткі салдарынан масаң күйде көлік басқарған.
Екі факт бойынша да ҚР ҚК 346-бабының 1-бөлігі (КҚ басқару құқығынан айырылған, алкогольдік масаң күйдегі адамның КҚ басқаруы) бойынша тергеу әрекеттері жүргізілуде.
Көлік құралдары арнайы тұраққа қойылды.
