«Майқайың-Екібастұз» автожолында ЖКО салдарынан үш адам ауруханаға жеткізілді, – деп хабарлайды Polisia.kz.
2021 жылғы 6 шілдеде сағат 11.10-да «Майқайың-Екібастұз» автожолының 12 км., 25 жастағы ВАЗ 21093 автокөлігінің жүргізушісі қашықтықты сақтамай, Volkswagen Passat автокөлігімен соқтығысуға жол берді.
– ЖКО салдарынан Volkswagen Passat автокөлігінің жүргізушісі мен ВАЗ 21093 автокөлігінің екі жолаушысы жарақат алып ауруханаға жеткізілді, – деп хабарлады Павлодар облысы Полиция департаменті бастығының бірінші орынбасары Жасқайрат Қайыров.
Полиция жол-көлік оқиғасы бойынша тексеру жүргізіліп жатқанын атап өтті. Автокөліктер арнайы айып тұрағына қойылды.
Айта кетейік, ағымдағы жылдың басынан бері Павлодар облысының аумағында 221 ЖКО тіркелген, соның нәтижесінде 13 адам қаза тауып, 321 адам жарақат алған.
