Қарағанды облысында ер адам досының көлігін айдап әкетті, – деп хабарлайды Polisia.kz.
19 шілдеде 50 жастағы аудан тұрғыны Қарағанды облысы Абай ауданының ПБ Топар полиция бөліміне хабарласқан. Жәбірленуші әйелдің айтуынша, белгілі бір адам оның көлігін ұрлап кеткен. Келтірілген шығын мөлшері 1 млн 700 мың теңге.
Күдікті 34 жастағы ер адам гаражда болған кезде арызданушының туысымен бірге алкогольдік ішімдік ішкен болып шықты. Сосын ол күтпеген жерден көліктің руліне отырып, көшеге шығып кетіп, жоғалып кеткен.
«Құқықтық тәртіп» профилактикалық іс-шарасы барысында жедел-тергеу тобының қызметкерлері ұрланған автокөліктің жүргізушісі ұсталды. Ол кінәсін мойындады.
ҚР Қылмыстық кодексінің 200-бабы (Ұрлық мақсатынсыз автокөлікті заңсыз тартып алу) бойынша қылмыстық іс қозғалды. Қазір тергеу амалдары жүргізіліп жатыр.
