Павлодарлық полицейлер оқу орындарда қоғамдық тәртіпті қамтамасыз етуде, – деп хабарлайды Polisia.kz.
Білім күні Павлодар облысының барлық оқу орындарында дәстүрлі түрде салтанатты жиындар өтеді. Осыған байланысты қауіпсіздікті қамтамасыз ету полицейлер үшін бірінші кезектегі міндет болып отыр.
– Оқушылар санитарлық нормаларды сақтай отырып офлайн-форматта білім алатын болады. Оқушылар арасындағы құқық бұзушылықтардың алдын алу үшін облыс полицейлері іс-шараларды өткізу кезінде оқу орындарында және оларға іргелес аумақта қоғамдық тәртіпті қамтамасыз ету бойынша барлық қажетті шараларды қабылдауда. Білім күні барлық мектептерде полицейлер оқушылардың да, олардың ата – аналарының да құқықтық сауаттылығын арттыру бойынша ауқымды акция өткізеді, – деп хабарлады Павлодар облысы Полиция департаменті бастығының бірінші орынбасары Жасқайрат Қайыров.
Полиция оқу жылының басталуы қарсаңында балалардың жол-көлік жарақаттануының алдын алу мақсатында әрбір жалпы білім беретін мекемеге іргелес көше-жол желісін тексергенін атап өтті.
Сонымен қатар кешкі және түнгі уақытта ойын-сауық орындары орналасқан жерлерде полицияның кешенді күштерінің тығыздығы артты.
Жасқайрат Қайыров жастар көп жиналатын орындарда, соның ішінде орталық жағалауда рейдтік іс-шаралар ұйымдастырылғанын хабарлады. Жалдамалы пәтерлерде, коттедждерде және басқа жерлерде іс-шаралар өткізу мәселесі ерекше бақылауда.
