Теміртауда ер адам кәсіпорыннан 290 мың теңгенің жанармай талондарын ұрлап кетті, – деп хабарлайды Polisia.kz.
18 қазанда Қарағанды облысы Теміртау қаласының ПБ Шығыс полиция бөліміне хабарлама келіп түсті. Белгісіз біреу кәсіпорындардың бірінің гаражына кіріп, жанармай талондарын ұрлап кеткен. Келтірілген шығын көлемі 290 мың теңгені құрады. ҚР Қылмыстық кодексінің 188-бабы (Ұрлық) бойынша қылмыстық іс қозғалды.
25 қазанда жедел-іздестіру іс-шараларының барысында криминалдық полиция қызметкерлері күдікті – 34 жастағы ер адамды анықтап, ұстады. Айғақты заттарды алу шаралары жүргізілуде. Қазіргі уақытта тергеу амалдары жүргізілуде.
